Өкмөт Улуу Жеңиштин 67 жылдыгына карата ардагерлерге акчалай жардам көрсөтүү боюнча токтом кабыл алды. 2 356 ардагер 10 миң сомдон алат. Алар - Улуу Ата Мекендик Согушка катышкандар, майып болгондор, Ленинград блокадасына катышкандар жана өспүрүм кезинде концлагерге түшкөндөр. Ал эми 7 864 киши 5 миң сомдон алат Алар - күйөөлөрү согуштан кайтпай калгандар, оорукта иштегендер, орден, медал алгандар жана эмгек армиясына күчтөп жөнөтүлгөндөр. Мындай акчалай жардам жыл сайын эле берилип келет. Быйыл бул максатта өкмөт 63,7 миллион сом бөлдү. Акча Жеңиш майрамына чейин таратылат. (RK)
