Бишкекте салттуу маданият фестивалы өтөт. Мындай иш-чара алгачкы жылы өтүп жатканын анын уюштуруучусу - "Илим" билим берүү борборунан кабарлашты. 20-апрелде өтө турган фестивалдын максаты - улут аралык достук мамилелерди бекемдөө. Кыргызстанда жашаган ар улуттун өкүлдөрү улуттук тамак-ашын, элдик оюндарын, музыкасын тартуулап, спорттук мелдештерге катыша алат. Өлкөдөгү беш миллиондон ашуун калк сексенге жакын улуттун өкүлдөрүнөн турат. (RK)