21-апрелде Бишкекте "Кыргызстан: кечээ, бүгүн жана эртең" деген темада элдик форум өтөт. Аны Улуттук улуу курултай уюштуруп жатканы кабарланууда. Аталган уюмдун өкүлү Бердибек Жумабаевдин "Азаттыкка" билдиргенине караганда, жыйынга бийликтин, оппозициянын жана жалпы эле коомчулуктун жүзгө жакын өкүлү чакырылды. Форум Кыргызстан профсоюздар федерациясынын кеңешме залында өтөт. Өлкөдөгү коомдук-саясий абал, социалдык-экономикалык талылуу маселелер талкууланмай болууда. (RK)
