БУУнун контртеррористтик комитети Кыргызстанга жардамын улантат

Бириккен Улуттар Уюмунун Контртеррористтик комитети Кыргызстанга терроризмге каршы күрөш жагынан жардамдашат, буга эл аралык уюмдар жана кызыкдар өлкөлөр тартылат. Бул тууралуу аталган комитеттин аткаруучу директору Майк Смит кыргыз өкмөтүнүн аппарат башчысынын орун басары Көлбай Мусаев менен жолукканда айтты.

Өкмөттүн маалымат кызматынан кабарлашкандай, БУУ өкүлү Кыргызстандын террорчулукка каршы күрөш боюнча ишине жогору баа берди. (RK)