Соттолуучу Мурат Суталинов айыкканга чейин апрел окуясы боюнча сот убактылуу токтоду. Суталиновдун адвокаты Кубанычбек Ташбалтаевдин "Азаттыкка" билдиргенине караганда, ал азыр Улуттук коопсуздук боюнча мамлекеттик комитеттин аскердик-медицина кызматында дарыланып жатат. Бөйрөгүндөгү шишикти алыш үчүн операция 20-апрелде болмок. Бирок өпкөсүн жана жүрөгүн бир аз дарыламайынча операцияга уруксат берилбей койгон. Суталинов 2010-жылдын 7-апрелинде Бишкекте токсонго жакын адамдын өлтүрүлүшүнө айыптуу деп соттолуп жатат. Өзү бул айып негизсиз экенин айтууда. Соттолуучулардын саны 28 адам. Тизменин башында мурдагы президент Курманбек Бакиев турат. (RK)
