2000-2011-жылдары Кыргызстан менен АКШнын ортосунда товар жүгүртүүнүн көлөмү 3,7 эсе өстү. Бул тууралуу Бишкекте өткөн кыргыз-америкалык өнөр жай симпозиумунда Кыргызстандын экономика жана монополияга каршы саясат министринин орун басары Олег Панкратов билдирди. Былтыр товар жүгүртүүнүн жалпы көлөмү 211,2 миллион долларды түздү. Анын 0,6 миллиону - Кыргызстандан чыккан экспорт, 210,6 миллион доллары - АКШдан келген импорт. Олег Панкратов АКШ Кыргызстандын маанилүү соода партнеру экенин баса белгиледи. (RK)
