Феврал айында адам укуктарынын бузулушуна нааразы болгон Европа Биримдиги Минскидеги элчилерин чакырып алган. Саясий айыпкерлерди бошотууну талап кылган биримдик Беларуска каршы санкция да киргизген. Эми Эстониянын, Чехиянын жана Швециянын элчилери ушул аптада кызматына кайра кайтып жаткандыгын "Азаттыкка" бышыкташты. 15-апрелде Беларус бийликтери он чакты саясий айыпкердин экөөсүн абактан бошоткон эле.
