Президент Алмазбек Атамбаев Орусиянын Бажы кызматынын башчысы Андрей Бельяниновду кабыл алды. Эки тараптуу кызматташтык мамилелерин арттыруу маселелери талкууланды. Орусия Кыргызстандын стратегиялык өнөктөшү экенин кыргыз президенти айтты. Транспорт, энергетика, мунайгаз, өнөр жай жаатында бирге иштөө жана соода-экономикалык мамилелерди бекемдөө тууралуу сөз болгонун мамлекет башчысынын маалымат кызматынан кабарлашты. Бельянинов Бишкекке кыргыз-орус өкмөт аралык комиссиянын кезектеги жыйынына орус тараптан төрагалык кылуу үчүн келген. Жыйын өткөн аптада болду. (RK)
