Евросоюз 2011-жылдагы Пакистанда болгон ири суу ташкынынын кесепеттерин жоюу үчүн 20 миллион евро бөлөөрүн маалымдады. Еврокомиссиянын гуманитардык жардам маселеси боюнча өкүлү Кристалина Георгиева өз сөзүндө трагедияга кабылган миллиондогон адамдардын тагдырына дүйнө коомчулугу кайдыгер болбош керектигин белгиледи. Пакистанда өткөн жылкы жана андан мурунку суу ташкындарынан 5 миллион 800 миң адам жабыр тартып, мал-жанды, эгинди жана турак-үйлөрдү агызып кеткен. Брюсселдин бул жардамын кошкондо Пакистанга жалпысы 55 миллион евро бөлүндү.
