АКШ мамлекеттик катчысы Хиллари Клинтон кечээ кечинде Кытай башкалаасы Бээжинге учуп келди. Клинтон бул сапарында Кытайдагы адам укугу багытында расмийлер менен жолугушууларды өткөрөт жана “АКШ менен Кытайдын стратегиялык диалогу” форумуна катышат. Мамлекеттик катчынын бул сапары көзү азиз кытайлык укук коргоочу Чэнь Гуанчендин АКШнын Бээжиндеги элчилигинде жашырынып, Вашингтондон башпаанек сураган мезгилине туш келди.
