Норвегиялык экспрессионист Эдвард Мунктун “Кыйкырык” аттуу атактуу картинасы Нью-Йоркто Sotheby's акционердик коомунда аукционго коюлуп 120 миллон долларга сатылып рекорд жаратты. Алдын ала божомолдор боюнча, картинанын баасы 80 миллионго чыгат деп айтылып жаткан. Картинаны сатып алган адам азырынча белгисиз, ал аукционго телефон аркылуу катышты. Аукцион болгону 12 мүнөткө созулду. Сүрөттү норвегиялык миллионер Петер Ольсен аукционго алып чыккан эле. Ал картинанын акчасына Норвегияда жаңы музей, искусство борборун жана мейманкана кураарын айтты.
