Кытайлык кыргыздардан чыккан жаш акын, жазуучу, журналист Гүлзыя Валий кызынын «Бакалуу көл» аттуу романы жарык көрдү. Былтыр анын «Мунарык таң» аттуу романы басмадан чыккан эле.
Калемгер Гүлзыя Валий кытайлык кыргыз айымдарынын ичинен биринчи болуп роман жазган. Ал 1976-жылы Иле казак автоном облусуна караштуу Муңгулкүрө ооданын Шаты кыргыз улуттук айлында төрөлгөн. Учурда «Шинжаң эл радио станциясында» эмгектенет. Шинжаң жазуучулар коомунун, Шинжаң котормочулар коомунун мүчөсү. «Шижаң кыргыз адабияты» журналынын «Салым кошуучу» сыйлыгынын ээси. (Бектур Илияс)
