Кыргызстанда сыртка иштегени кеткен эмгек мигранттарынын балдарынын арасында өз жанын кыйгандар көбөйдү. Бул тууралуу бүгүн "Азаттыкка" Билим берүү жана илим министрлигинин маалымат катчысы Керез Жукеева билдирди. Анын айтымында, 2009-жылы өз өмүрүнө кол салган окуучулардын саны 76 болгон. Ал эми былтыр 94 факт катталды. Негизги себеп - бала ата-энесин сагынып куса болуп, ар кайсы туугандарынын колунда чоңоюп жаткандыктан материалдык кыйынчылыктарга дуушар болгону айтылууда. Өз жанын кыйгандар айрыкча 14 жаштан жогоркулар. Мындай окуялар көбүнчө Жалал-Абад, Ош жана Чүй облустарында көп катталууда. (RK)
