Чыгыш Иерусалимди Израил 1967-жылкы алты күндүк согушта басып алган. 45 жылдыкка байланыштуу Израилдин министрлер кабинетинин атайын жыйыны өттү. Премьер-министр Бенямин Нетаняхунун кеңсесинин маалымдашынча, өкмөт келерки алты жылда Иерусалимдин инфраструктурасын жана туризмди өнүктүрүү үчүн 91 миллион доллар чегерди. Палестиндер Чыгыш Иерусалимди болочокку эрктүү мамлекетинин борбору катары көрүшөт. Эл аралык коомчулук Чыгыш Иерусалимди Израилдин жери деп тааныган эмес.
