"Кыргызстан" авиакомпаниясы Дубай ооруканасында эки жылдан бери дарыланып жаткан кыргызстандык Айсалкын Ажиеваны мекенине алып келди. Бул тууралуу "Азаттыкка" аталган авиакомпаниядан кабарлашты. 2010-жылы Ажиева Дубайда жол кырсыгына кабылып, эс-учун жоготуп, көпкө сакая албай келген. Анын ооруканага карызы 50 миң доллардан ашып кеткени кабарланган. Дүйнөнүн ар кайсы өлкөлөрүнөн мекендештер ага жардам катары акча чогултуп беришкен.(RK)
