Калифорния штатынын Бербэнк шаарында жол кырсыгы болду. Бейшембинин түнүндө 91 жаштагы байбиче 101 жаштагы абышканы сүзүп кетип, ал ошол жерде мерт кетти. Кылымга тең Отто Йенсен шаарда таанымал адам эле. Ал жаш кезинде атактуу мушкер (боксер) болгон жана алтымыш жылдан ашык шаардагы жеке менчик фотостудияга ээлик кылган. Кырсыкта курман болгонго чейин Бербэнк шаарынын коомдук турмушуна жигердүү катышкан.
