Эски режимдин экинчи айлампага чыккан өкүлү өлкөнү Мубарак дооруна кайтарбоону убада кылды. Египеттин мурдагы президенти Хосни Мубарактын доорунда министр жана премьер-министр болгон Ахмед Шафик Каирде жаштар менен жолугушуу учурунда, эгер президент болуп шайланса, “Араб жазынын” жетишкендиктерин сактарын, өлкөнү артка кайтарбасын убада кылды:
- Мен айткандай, колумду египеттиктердин баарына сунам. Египеттин саясий күчтөрүнүн баары менен диалогду кабыл алам. Ошол эле учурда мен элге таянууну талап кылам, баарыңарды калк менен иштөөгө чакырам.
Египетте, 23-24-майда болгон шайлоонун баштапкы жыйынтыктары аскер адамы, Хосни Мубарактын бийлигинин соңку күндөрү бир ай премьер-министр болгон Ахмед Шафик экинчи айлампада исламчыл “Мусулман агаиндер” кыймылынын талапкери Мохаммад Мурси менен беттешерин көрсөтүүдө.
Египеттин бардык саясий күчтөрүн диалогго аталган кыймыл да чакырды. Экинчи айлампа 16-17-июнда өтөт. (UE)
- Мен айткандай, колумду египеттиктердин баарына сунам. Египеттин саясий күчтөрүнүн баары менен диалогду кабыл алам. Ошол эле учурда мен элге таянууну талап кылам, баарыңарды калк менен иштөөгө чакырам.
Египетте, 23-24-майда болгон шайлоонун баштапкы жыйынтыктары аскер адамы, Хосни Мубарактын бийлигинин соңку күндөрү бир ай премьер-министр болгон Ахмед Шафик экинчи айлампада исламчыл “Мусулман агаиндер” кыймылынын талапкери Мохаммад Мурси менен беттешерин көрсөтүүдө.
Египеттин бардык саясий күчтөрүн диалогго аталган кыймыл да чакырды. Экинчи айлампа 16-17-июнда өтөт. (UE)
