Кыргызстандын президенти Алмазбек Атамбаев Бириккен араб эмирликтеринин (БАЭ) президенти шейх Халиф бин Заед ал Нахайянга кат жолдоду. Катты БАЭ тышкы иштер министрлигине Кыргызстандын башкы консулу Кубанычбек Өмүралиев тапшырды. Анда эки тараптуу кызматташтыкты бекемдөө керек экени айтылат. Кубанычбек Өмүралиев менен министр Анвар Мухаммед Гаргаш мамилелерди өнүктүрүү үчүн өлкө жетекчилеринин расмий жана иш сапарларын уюштуруу зарылдыгын белгилешти. Келишим-укуктук базаны бекемдөө керектиги да айтылды. (RK)
