Бүгүн алты америкалык ковбой Кыргызстанга келет. Алар 2-июнда Бишкектеги “Ак-Кулада” жана 5-июнда Чолпон-Ата ат майданында оюн-зоок тартуулайт. Бул топтун артисттери Америка родеосунун белгилүү жылдыздары болуп саналат. Кыргызстандыктарга азоо ат минип салттуу родео көргөзүшөт. Кыргыз жигиттери менен ат үстүндө ойноп, көк бөрү тартып көрүшөт. Бул тууралуу АКШ элчилигинен кабарлашты. (RK)
