31-май - тамеки тартууга каршы дүйнөлүк күнгө карата Бишкекте бүгүн бир нече акция өткөрүлөт. Саламаттыкты сактоо министрлигинин басма сөз кызматы кабарлагандай, таң эрте Медициналык академияда студенттерди текшерүүдөн өткөрүп, кандагы никотиндин деңгээлин аныктоо иш-чарасы уюштурулат. Түшкө жуук Жаш гвардия бульварында демилгечи топ тамекини момпосуйга алмаштыруу боюнча акция өткөрөт. Жер жүзүндө ар бир он секунд сайын чылым чеккен бир киши өпкө рагынан каза табат. (KKs)
