Ирландияда Евробиримдиктин жаңы салык келишими боюнча элдик референдум өтүп жатат. Сурамжылоолор көрсөткөндөй, көпчүлүк евро зонаны бекемдөөгө багытталган документти колодошот деп күтүлүүдө. Германия сунуш кылган келишимде бюджетин чыгаша жана киреше бөлүктөрүн тең салмактай албаган өлкөлөргө карата чара көрүү каралган. Бюджеттин дефицитине каршы күрөшүүнү көздөгөн документке ылайык, Ирландия жана карызга баткан башка өлкөлөр чыгашаларды азайтууга милдеттүү болушат. Евро мейкиндикке кирген 17 мамлекеттин 12си келишимди ратификацияласа, ал 2013-жылдын башында күчкө кириши мүмкүн. Бейшемби күнкү референдумдун жыйнытыктары эртең, жума күнү жарыяланат.
