Каирдин ортосундагы Тахрир аянтына чыккан жүздөгөн демонстранттар мурдакы президент Хосни Мубарак менен мурдакы ички иштер министри Хабиб ал-Адли боюнча соттун өкүмүнө нааразылык билдиришүүдө. Ишемби күнү сот 84 жаштагы Мубаракты жана ал-Адлини былтыркы нааразылык чыгууларды басуу учурунда набыт болгон 800дөн ашуун адамдын өлүмү үчүн жооптуу деп, өмүр бою эркинен ажыраткан. Тахрир аянтында жүргөндөрдүн бири Адил Шалаби: “Биз башкы прокурордун өкүмдү кайра иликтеп көрүүсүн жана ал-Адлинин жардамчыларынын өкүмүн кайра кароону талап кылабыз. Себеби, аларды актоого негиз жок. Алар зарыл күбөлөр табылбай акталса, бийлик далилдерди чогултуп, сотту кайра улантууга тийиш”, - дейт.
Сот полициянын мурдакы алты мартабалуу кызматкерин күнөөсүз деп актаган эле.
2011-жылы Мубаракты президенттиктен оодарган элдик толкундоолордун очогу дал Тахрир аянты болгон. Аянтка ишемби күнү сот өкүмүнө кыжырданган 20 миңдей адам чогулган эле.
Сот полициянын мурдакы алты мартабалуу кызматкерин күнөөсүз деп актаган эле.
2011-жылы Мубаракты президенттиктен оодарган элдик толкундоолордун очогу дал Тахрир аянты болгон. Аянтка ишемби күнү сот өкүмүнө кыжырданган 20 миңдей адам чогулган эле.
