Ливиянын убактылуу өкмөтү куралдуу топ учуу тилкесин басып алгандан кийин, Триполинин эл аралык аба бекетин кайра өз көзөмөлүнө алганын билдирүүдө. Ички иштер министрлигинин кабарына ылайык, чопкуттуу унааларды учуу тилкелерине токтотуп салып, аба каттамдарын башка жакка багыттоого мажбурлаган куралчандар камакка алынды. Мунун алдында ал-Авфее бригадасы менен аскерлердин атышуусунун добушу угулуп турган. Жапа тарткандар тууралуу кабарланган жок. (JCh)
