Кыргызстандын Чек ара кызматынын музыкалык ансамбли Ош жана Жалал-Абад облустарын кыдырып чыкты. Гастрол учурунда чек арачы музыканттар элге, аскерлерге, коргоо жана ички иштер министрликтеринин кызматкерлерине концерт тартуулашты. Мекенчил мүнөздөгү эски жана азыркы ырлар аткарылды. Чек ара кызматынан кабарлашкандай, буга чейин ушул сыяктуу концерттер алыскы тоолуу аймактарда да өткөн. (RK)
