АКШнын Аалам агенттиги Саманчынын жолундагы жана башка галактикалардагы көрүүгө кыйын болгон объектилерге эки жыл бою «аңчылык» кыла турган эң соңку рентген телескобун космоско жиберди. Муздаткычтын көлөмүндөгү жабдык алгач учак менен Тынчтык мухитиндеги алыскы аралга жеткирилип, кийин ракета менен учурулду. 170 миллион доллар сарпталган миссия кара тешик жана көлөмдүү жылдыздардын жарылуусу өңдөнгөн көрүнүштөрдү изилдөөнү максат кылат. Телескоптон алгачкы маалымат бир айдан кийин келе башташы керек.
