Быйыл кыргыз-тажик чек арасында беш чатак чыкты

Жыл башынан бери Кыргызстан менен Тажикстан чектешкен аймактарда беш, кыргы-өзбек чек арасында төрт жаңжал катталды. Бул тууралуу парламенттин коопсуздук жана коргонуу боюнча комитетинин бүгүнкү жыйынында ички иштер министри Зарылбек Рысалиев билдирди. Анын айтымында, чек ара чатактарынын көпчүлүгү талаштуу жерлерде, талаа жумуштары башталганда чыккан.

2012-жылы 14 мыйзамсыз миграция аракеттери катталып, коңшу өлкөнүн 257 жараны кармалган. (ZB/KKs)