Парламенттин бүгүнкү жыйынында сөз сүйлөгөн оппозициячыл депутат Камчыбек Ташиев өкмөттү отставкага кетирүү аракетин аягына чыгаруу керек деп билдирди. Ал биринчи-вице-премьер-министр Аалы Карашевге кайрылып, өкмөт Кумтөр боюнча чечкинсиздигин көрсөтүп жатат деп сынга алды. Ага чейин Карашев өкмөт Кумтөрдү иликтеген депутаттык комиссиянын корутундусуна негизинен макул экенин, бирок так чечим кабыл алуудан мурда эксперттерден турган мамлекеттик комиссия түзүү зарылдыгын билдирген. (KKs)
