Европадагы коопсуздук жана кызматташтык уюумунун Бишкектеги борбору Жапониянын Кыргызстандагы элчилиги менен бирдикте Ош жана Жалал-Абад облустарында тынчтыкты искусство аркылуу орнотууга жардам берет. Аталган уюмдан билдиришкендей, 12-13-июл күндөрү Ош шаарында “Аң-сезим жана муктаждык”, “Бир көчөнүн балдары” деген спекталдер көрсөтүлөт. Бирисинде күйөөсү кыргыз, аялы өзбек болгон аралаш үй-бүлөнүн мамилелери жана көйгөйлөрү баяндалса, экинчисинде ар улуттун жаштарынын ортосундагы мамиле жана чыр-чатактар, алардын чечилиши тууралуу сөз болот. (KE/RK)
