Ысык-Көл облусунда баңгилердин саны өсүүдө. Бул тууралу облустук ички иштер башкармалыгынын маалымат катчысы Сталбек Усубакунов билдирди. Былтыр облуста наркологиялык диспансерде 163 киши катталса, быйыл 364 болду. 2007-жылдан тарта 2011-жылга чейин маңзат боюнча кылмыштардын саны 196дан 261ге чейин өскөн болсо, быйыл биринчи жарым жылдыкта 116 факт катталды. Маңзатка байланыштуу кылмышкер деген шек менен кармалгандардын саны 191ден 258ге жогорлады. (MK/RK)
