“Азия балдарында” кыргызстандык спортчу күмүш медаль алды

Якутияда өтүп жаткан “Азия балдары” аттуу эл аралык мелдеште Шералы Сыдыков атындагы республикалык олимпиадалык резерв окуу жайынын окуучусу Алибек Чороев дзю-до күрөшү боюнча финалга чейин жетип, күмүш байгелүү болду. Кечээ кыргызстандык жөө күлүк Ксения Прокопьева алтын медаль алган эле.

Эл аралык таймаш 17 жашка чейин өспүрүм улан-кыздар арасында өтүп жатат. Спорттун 20дан ашык түрү боюнча мелдешке 20 өлкөдөн 3 миңдей спортчу катышууда. Кыргызстандан 50 спортчу барган. (EBM)