Уламалар кеңешинин жыйыны: башталбай жатып талаш чыкты

Кабарчыбыз Заирбек Бактыбаевдин маалымдашынча, Уламалар кеңешинин жыйынынын алдында талашып-тартышуу болууда. Буга чейин атаандаш муфтият түзүү демилгесин көтөргөн топтун өкүлдөрү муфтий Чубак ажы Жалиловдун кызматтан кеткени тууралуу арызын жана жаңы муфтийдин талапкерлигин Уламалар кеңешинин мурунку курамы карашы керектигин талап кылууда. Муфтият жыйынды кеңештин азыркы курамы өткөрөт деп жатат.

Ушул жылдын май айында Кыргызстан мусулмандар диний башкармалыгы Чолпон-Ата шаарында жыйын өткөрүп, Уламалар кеңешинин 6 мүчөсүн кетирип, алардын ордуна жаңыларды алган болчу. (EBM)