Бишкекте жылуулук кымбатташы мүмкүн

Бул тууралуу Энергетика жана өнөр жай министрлигинин Отун-энергетика комплексин жөнгө салуу департаментинин башчысы Миргүл Айдарова “Азаттыкка” билдирди. Анын айтымында, Токтогул суу сактагычында суунун аздыгынан жана электр энергиясын экспорттоонун жоктугунан бааны жогорулатуу зарыл болууда. Учурда канчага кымбаттары белгисиз, тактап-эсептөө жүрүп жатат. "Бул иштер бүткөндөн кийин күзүндө парламентте сунуш жөнөтүлөт",- дейт Айдарова.

Министрликтин өкүлү быйыл электр энергиясына баа кымбаттабай турганын белгиледи. (EBM)