Финляндиялык Nokia компаниясы өткөн 3 айда 1.41 миллиард евро чыгашага учурады. Жалпы сатыктар 19 процентке, ал эми смартфоундарды сатуу 34 процентке ылдыйлаган. Компаниянын атакаруучу директору Стефен Элоптун айтымында, атаандаштык күтүлгөндөн жогору болуп чыкты. 2008-жылы сатылган мобилдик телефондордун 40 проценти "Нокиага" туура келсе, азыр рынокто Samsung жана Apple үстөмдүк кыла башташты.
