Британиянын чек арачылары Лондон олимпиадасынын ачылышы алдында иш ташташат. Коомдук тейлөө кызматынын кошууну анын мүчөлөрү 26-июлда иш таштарын жана 27-июлдан 20-августка чейин ашыкча убакыт иштөөдөн баш тартышарын маалымдады. Муну менен алар жумуш орундарын жана эмгек акыларды азайтуу чараларына каршылыгын билдиришүүдө. Өкмөт кесиптик кошуундун мындай демилгесин сынга алды. Ички иштер министрлиги Олимпиадага келаткан миңдеген кишини тейлөө үчүн кошумча кызматкерлери даяр кармап турат.
