Өнөр жайы боюнча жарым жылдыкта Ош шаары биринчиликти алды

Жарым жылдыктын жыйынтыгы боюнча өлкөнүн өнөр жай тармагынын өсүү темпин алып караганда Ош шаары 1-орунду ээледи. Бул тууралуу 25-июнда Ош шаарынын мэри Мелис Мырзакматов билдирди. Статистикалык маалыматка караганда, Ош шаарында бул жылы 1213,7 млн. сомдук продукция өндүрүлгөн жана 2011-жылы бул көрсөткүч 124% түзгөн.

Кыргызстан боюнча жарым жылдыкта өнөр жайындагы өсүш 68,4 пайызды түзгөн. Аймактардан: Баткен областында - 113,3%, Жалал-Абад - 104,9%, Ысык-Көл - 35,3%, Нарын - 112,9%, Ош областында - 110,9%, Талас - 119,2%, Чүй - 109,4%, Бишкек шаарында - 102,7%, Ош шаарында - 124,3% түзгөн.(SJ)