Бүгүн Бишкектеги Абдылас Малдыбаев атындагы опера жана балет театрында кыргызстандыктар менен мекендештердин бүткүл дүйнөлүк конгресси ачылды. “Замандаш” ассоциациясы уюштуруп жаткан бул конгресске дүйнөнүн кеминде кырктан ашык өлкөсүндө жашап, иштеп жаткан кыргыз жарандары, жергиликтүү бийлик өкүлдөрү катышууда. Ачылыш аземинде мамлекет башчы Алмазбек Атамбаевдин куттуктоо сөзүн президент аппаратынын жетекчиси Жантөрө Сатыбалдиев окуду. Бул иш-чаранын алкагында кыргызстандык жана мекендештердин бүткүл дүйнөлүк конгрессин түзүү боюнча декларация жана анын концепциясы иштелип чыкмакчы. Эртең чет өлкөдөгү кыргызстандыктардын башын бириктирген дагы бир "Мекендештер" форуму өтөт. Аны “Роза Отунбаеванын демилгеси” кору уюштурууда. (KKs)
