Бүгүн Шанхай кызматташттык уюмуна мүчө мамлекеттердин улуттук координаторлор кеңешинин биринчи кезектеги жыйыны ачылды. Тышкы иштер министрлигинин басма сөз кызматынан кабарлашкандай, алты тараптуу сүйлөшүүлөргө уюмдун баш катчысы Муратбек Иманалиев баш болгон Кыргызстандын, Казакстандын, Кытайдын, Орусиянын, Тажикстандын жана Өзбекстандын өкүлдөрү, уюмдун катчылыгынын делегациялары катышууда. ШКУга төрагалык кылуу милдети Кыргызстанга өткөрүлгөндүктөн бул жыйында кыргыз тарап 2012-2013-жылдар үчүн уюмдун негизги багыттары тууралуу маалымат берет. Ошондой эле жыйында уюмга мүчө мамлекеттердин күзгү саммитине киргизилчү маселелер талкууланат. Жыйын 3-августка чейин уланат. (KKs)
