Орус президенти Владимир Путиндин жардыгы менен Орусиянын Кыргызстандагы элчиси Валентин Власов ээлеген кызматынан бошотулуп, дагы бир жардык менен жаңы элчи болуп Андрей Крутько дайындалды. Бул тууралуу Орусиянын укуктук маалымат боюнча расмий сайты билдирүүдө. Орусиянын Кыргызстандагы элчилигинин басма сөз катчысы Виктор Харченко бул тууралуу расмий жардык түшкөндөн кийин маалымат берилерин “Азаттыкка” кабарлады. (KKs)
