Катуу суу каптоодон улам Түндүк Корея БУУга жардам сурап кайрылды. Бийликтин расмий билдирүүсүнө караганда, жаратылыш кырсыгы бери дегенде 119 кишинин өмүрүн алып кетти. Ондогон тургундар үй-жайсыз калды. Жабыркаган аймактарда болуп келген БУУнун кызматкерлери инфраструктурага жана айыл чарбага келтирилген зыян өлкөдө тамак-аш тартыштыгын күчөтүп жибергенин билдиришти. Суу ташкынына чейин өлкөдө узакка созулган кургакчылык болгон. Эл аралык "Кызыл чырым" комитети Түндүк Кореяга 300 миң доллар каражат которо турган болду.
