Ысык-Көл облусунда күздүк сепкенге кошумча үрөн жетишсиз болууда. Облустук администрациянын агрардык өнүгүү жана жаратылыш пайдалануу бөлүмүнүн башчысынын милдетин аткаруучу Бекзат Дадыбаевдин “Азаттыкка” айтымында, быйыл күздүк 16 700 гектарга себилет. Бул үчүн 5 010 тонна үрөн керектелет. Кошумча 2 800 тонна буудай үрөнү талап кылынууда. Ошондуктан көл бийлиги Республикалык үрөн фондунан дыйкандарга жардам иретинде 2 800 тонна күздүк буудай үрөнүн жана күзгү оруп жыйноо иштерине 3 000 тонна күйүүчү майды арзан баада берүүнү өкмөттөн өтүнүүдө. (MK/RK)
