Бул тууралуу “Азаттыкка” Жалал-Абаддагы Аксы районунун акими Медет Айдаралиев билдирди. Анын айтымында, 16-августта аталган райондогу Кош-Дөбө айыл өкмөтүнө караштуу Торук айылында жүргөн өзбек чек арачысын жергиликтүү тургундардын жардамы менен кыргыз чек арачылары кармап алган. Анын жанында курал-жарагы болгон. Азыр кармалган өзбек чек арачы Ала-Бука районундагы чек ара отрядында турат. Учурда эки өлкөнүн чек арачылары окуяны териштирип жатат. (EBM)
