Түркияда терракта курман болгондордун саны 8ге жетти

Түркиянын түштүк чыгышында Сирия менен чек арага жакын аймакта бомбанын жарылуусунан набыт болгондордун саны 8ге жетип, ондогондор жарадар.
Жергиликтүү бийликтердин маалыматында аралыктан туруп башкаруучу бомбадан өлгөндөрдүн арасында полиция кызматкерлери дагы бар. Чабуулду эч ким мойнуна ала элек.

Дүйшөмбүдө Ирак жана Иран менен чектешкен Хаккяри провинциясында 2 түрк жоокер минага чалынып өлгөн. Түркия бийликтери чабуулдар үчүн Күрд жумушчу партиясын айыптоодо.