Ооганстанда бийликтердин кабарлашынча, талиптер деп шектелген куралчандар жума күнү ооган армиясынын үч аскерин уурдап кетип, атып салышты. Пактия дубанынын полициясында тергөө бөлүмүн жетектеген Мухаммад Заман аскерлердин өлүгү жолдо жаткан жеринен табылганын кабарлады. Быйыл жылдын биринчи төрт айында 850дөн ашык ооган аскери жана тартип коргоочу курман болду.
