Өкмөттүн сайты кайрадан иштей баштады

Кыргыз өкмөтүнүн интернеттеги расмий сайты 28-августта иштебей калган. Сайтты ачуу учурунда Hacked Kyrgyz Government!!! деген жазуу менен сүрөт чыккан. Бул кыргыз тилине "Кыргыз өкмөтүнө чабуул жасалды" деп которулат. Өкмөттүн маалыматтык саясат бөлүмүнүн жетекчиси Султан Каназаровдун “Азаттыкка” айтымында, техникалык адистер сайтка хакердик чабуул болгонун билдиришкен.

Бүгүн түштөн кийин сайт калыбына келтирилип, иши жанданды. (КЕ)