Кыргызстанда 1-сентябрдан тарта жаштарды өз ден соолугуна кам көрүүгө үгүттөгөн “Активдүүлүктүн 10 күнү” деп аталган маалыматтык өнөктүк башталды. Бул өнөктүктү “Y-Peer” жаштар тармагы уюштурууда. Уюштуруучулардын айтымында, 10 күн ичинде өлкөнүн бардык аймактарында жаштарды өз ден соолугуна кам көрүүгө чакырган жана ага кам көрүүнүн жол-жобосун үйрөткөн окуулар уюштурулат. Ошондой эле Кыргызстандагы саламаттыкты сактоо тармагындагы маселелерди талкуулаган дебат турнири өтөт.(BkA)
