3-сентябрь Орусияда терроризмге каршы күрөшкө тилектештиктин күнү. Сегиз жыл мурда чечен жикчилери Түндүк Осетия - Аланиянын Беслан шаарында окуу жылынын ачылышына келген 1 миңден ашуун балдарды ата-энелери менен чогуу барымтага алышкан. Аларды куткаруу операциясы кезинде 330 адам, анын ичинде 186 мектеп окуучусу курман болгон. Эскерүү зыяпаты ошондой эле өлкө байтакты Москвада акыркы жылдары террордук аракеттер болгон 12 жайда өткөрүлөт.
