Өзүн мусулман суннит санаган Ирактын мурунку вице-президенти Тарик аль-Хашеми терракт уюштурган жана Багдад сотунун кызматкерлерин өлтүрүүгө тиешеси бар деп айыпталып жаткан. Бүгүн сот Аль-Хашемини өлүм жазасына тартылсын деп сырттан соттоду. Ал вице-президенттик кызматты 2006-жылдын апрелинен тарта 2011-жылдын май айына чейин аркалап турган. Кийин ал Түркияга качып өтүп, өзүнө коюлган дооматтарды четке кагып келүүдө. Буга чейин Түркия Тарик аль-Хашемини Иракка өткөрүп бербей турганын билдирген.
