HRW: Казакстан жумушчулардын укуктарын бузат

Эл аралык Хьюман Райтс Уоч уюму Казакстандын жетекчилигин жана өлкөдөгү мунай компанияларды миңдеген жумушчулардын укуктарын системалуу түрдө бузуп жүрөт деп сындады. Башкеңсеси Нью-Йоркто жайгашкан уюм бүгүн жарыялаган докладда декабрда Жаңы-Өзөн шаарында болгон кандуу окуялар “жумушчулардын жана адамдардын укукутарын тепсөө канчалык опурталдуу” экенин шардана кылары айтылат. Докладда кытайлык жана италиялык фирмалар менен теңшерик түзүлгөн мунай компанияларында иштеген жумушчулардын иш таштоосу кандай басылганы талдоого алынат. Документ казак өкмөтүн эмгек мыйзамдарын эл аралык нормаларга ылайык оңдоого жана Европа Биримдигин казакстандык жумушчулардын абалына көз жумуп койбогонго чакырат.