Президенттин парламенттеги өкүлү дайындалды

Президенттин Жогорку Кеңештеги өкүлү болуп Орозбек Молдалиев дайындалды. Мамлекет башчы Алмазбек Атамбаевдин буга байланыштуу жарлыгын бүгүн парламентте Президенттик аппараттын жетекчисинин милдетин аткаруучу Данияр Нарымбаев окуп берди. Орозбек Молдалиев кыргыз коомчулугуна саясат таануучу катары белгилүү.

Буга чейин бул кызматта Данияр Нарымбаев иштеген. (КЕ)