Өкмөт быйыл Бишкек ТЭЦине Кара-Кечеден кошумча көмүр сатып алат. Бул тууралуу Нарынды кыдырып жүргөн премьер-министр Жантөрө Сатыбалдиев айтты. Кечээ ал Кара-Кечедеги "Шарбон" ишканасынын иши менен таанышты. Ушул айдын аягына чейин ТЭЦке 200 миң тонна көмүр келээрин жана буга кошумча дагы 100 миң тонна сатып алуу тууралуу чечим кабыл алынганын айтты. Ошого жараша аталган ишкана Жумгал районунун инфраструктурасын жакшыртууга салым кошуусу зарыл экенин эскертти. (RK)
